你不是我的岸丨洪助昇新歌MV與兩大女神合作　為拍親密鏡頭刷足十次牙

英皇歌手洪助昇（Aiden）在4月3日推出今年首支派台作品《你不是我的岸》。出名「憑實力單身」的Aiden這次憑歌寄意，將自己早前的「沉船」經歷大方分享。

這次是Aiden跟監製徐浩（Terry）第五次合作，事隔一年再次走進錄音室，Aiden擺脫新人時期的膽怯，大膽地表達自己想法，「我好明確同Terry講，我最近對於感情嘅睇法有啲改變，不如我哋做一首咁樣嘅歌啦，想今次歌詞表達得再仔細啲。最後歌詞改咗三個version，用咗幾個月時間去調整。」

粉絲為洪助昇辦韓式生日見面會　歌迷帶男友到場讓Aiden過目

為愛情「沉船」

提到這次的「沉船」經歷，Aiden表示以前十分理性，覺得要以事業為重，於是經常以工作去拒絕戀愛，後來覺得這樣未能唱出歌曲的情感，所以覺得應該要讓自己感性一點，不過踏出第一步後，瞬即「沉船」。

他說：「當時憑感覺認識咗一個女仔，認識咗一段比較短嘅時間，自己就發現『沉船』，雖然當時身邊朋友都話『你咁樣無啦啦沉船，其實會唔會好危險？因為你都未知道對方係一個乜嘢嘅人。』但我都會為對方護航。了解咗三個月左右，想表白，先至發現對方其實唔想拍拖，佢淨係想得到曖昧，開心就算。最後我明啦，佢絕對唔係我想搵嘅嗰個岸，自己亦都用咗三個月先復原。」

他坦言歌詞直接寫出當時的狀況：「『我已經看穿 情願沉默地為你住進孤單公園』即係我知道你唔係我心入面想拍拖或者行得長遠嘅對象，所以我就寧願自己摺埋傷心。」

▲ Aiden曾為愛情「沉船」。

與兩位女神合作

MV找來有「新一代性感女神」之稱的李賢（Leanne）及youtube女神陳映影（Santis）擔任女主角，Aiden自言十分有艷福，又謂兩位女神電力十足，有被電到，更大爆Santis「有料到」，「之前有同Santis合作過，拍一啲Drama嘅嘢，知道佢之後開始玩健身。拍MV嗰日我哋拍一啲擁抱戲嘅時候，我俾佢一撞，啲肌肉真係唔係講笑，佢真係有啲料，哈哈。」

▼點擊圖片放大

+6

+5

刷足十次牙

至於MV中，他跟Leanne有一幕差點錫錫的鏡頭，Aiden謂一開始自己有點怕醜，而Leanne十分專業，最後只是兩take便順利完成。Aiden表示由於二人嘴部太貼的關係，拍攝前一晚做足準備功夫，「為咗防止口腔有異味，我前一晚開始，直到拍攝呢一幕前，刷咗十次牙。」

最新影片推介：炎明熹專訪

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5